श्रीकार्तिकस्वामींची आरती

। । श्रीकार्तिकस्वामींची आरती । ।

जय देव जय देव जय श्रीकार्तिकदेवा ।
तुझिया चरणांची नित्य घडो सेवा । । ध्रु । ।
शिव पार्वतिचा तू ज्येष्ठ नंदन ।
सुरवर करिती तुजला नित्य वंदन ।
सेनानी देवांचा तू शोभसी खरा ।
तुझे नाम घेता भय पडले असुरा । । १ । ।
जय देव जय देव जय श्रीकार्तिकदेवा ।
तुझिया चरणांची नित्य घडो सेवा । । ध्रु । ।

कृत्तिकांनी करविले तुजला स्तनपान ।
मयुर पक्षाचे तुजला शोभे वाहन ।
दर्शनमात्रे तुझिया पापे ती हरती ।
भक्तां तुझिया लाभे श्री यश संपत्ती । । २ । ।
जय देव जय देव जय श्रीकार्तिकदेवा ।
तुझिया चरणांची नित्य घडो सेवा । । ध्रु । ।

रचयिता : वि के फडके

श्रीगोंदवलेकर महाराजांचे विचारसौंदर्य
देहाचा विसर हेंच खरें आनंदाचें चिह्न आहे ।
उद्गार आणि बोधवचने
मला माझ्या बांधवांना साहाय्य करू द्या
एवढीच माझी इच्छा आहे ।
स्वामी विवेकानंद

श्रीजिवतीची आरती

श्रीजिवतीची आरती
जयदेवी जयदेवी जय जिवती जननी
सुखी ठेवी संतति विनति तवचरणी ।
श्रावण येतांचि आणूं प्रतिमा ।
गृहांत स्थापूनि करू पूजना ।
आघाडा दुर्वा माळा वाहूंया ।
अक्षता घेऊन कहाणी सांगू या ।
जयदेवी जयदेवी जय जिवती जननी
सुखी ठेवी संतति विनति तवचरणी । । १ । ।
पुरणपोळीचा नैवेद्य दावूं ।
सुवासिनींना भोजन देऊं ।
चणे हळदीकुंकू दूधहि देऊं ।
जमूनि आनंदे आरती गाऊं ।
जयदेवी जयदेवी जय जिवती जननी
सुखी ठेवी संतति विनति तवचरणी । । २ । ।

सटवीची बाधा होई बाळांना ।
सोडवी तींतून तूचि तयांना ।
माता यां तुजला करिती प्रार्थना ।
पूर्ण ही करी मनोकामना ।
जयदेवी जयदेवी जय जिवती जननी
सुखी ठेवी संतति विनति तवचरणी । । ३ । ।
तुझिया कृपेने सौख्य नांदू दे ।
वंशाचा वेल नीट वाढूं दे ।
सेवा हे व्रत नित्य घडूं दे ।
मनींचे हेतू पूर्ण होऊंदे ।
जयदेवी जयदेवी जय जिवती जननी
सुखी ठेवी संतति विनति तवचरणी । । ४ । ।

श्रीगोंदवलेकर महाराजांचे विचारसौंदर्य
पैशानें सुखी झाला असा मनुष्य मी पाहिला नाही .

श्री वटसावित्रीची आरती

॥ श्री वटसावित्रीची आरती ॥
अश्वपती पुसता झाला ॥
नारद सांगताती तयाला ॥
अल्पायुषी सत्यवंत ॥
सावित्रीनें कां प्रणीला ॥
आणखी वर वरी बाळे ॥
मनीं निश्चय केला ॥ १ ॥

आरती वडराजा ॥
दयावंत यमदूता ॥
सत्यवंत ही सावित्री ॥
भावें करीन मी पूजा ॥
आरती वडराजा ॥ ध्रु ॥

ज्येष्ठमास त्रयोदशी ॥
करिती पूजन वडाशीं ॥
त्रिरात्र व्रत करुनियां ॥
जिंकी तू सत्यवंताशीं ॥ २ ॥

आरती वडराजा ॥
दयावंत यमदूता ॥
सत्यवंत ही सावित्री ॥
भावें करीन मी पूजा ॥
आरती वडराजा ॥ ध्रु ॥

स्वर्गावरी जाऊनियां ॥
अग्निखांब कवळीला ॥
धर्मराजा उचकला ॥
ह्त्या घालिल जीवाला ॥
येई गे पतिव्रते ॥
पति नेई गे आपुला ॥ ३ ॥

आरती वडराजा ॥
दयावंत यमदूता ॥
सत्यवंत ही सावित्री ॥
भावें करीन मी पूजा ॥
आरती वडराजा ॥ ध्रु ॥

जाऊनियां यमापाशीं ॥
मागतसे आपुला पती ॥
चारी वर देऊनियां ॥
दयावंता द्यावा पती ॥ ४ ॥

आरती वडराजा ॥
दयावंत यमदूता ॥
सत्यवंत ही सावित्री ॥
भावें करीन मी पूजा ॥
आरती वडराजा ॥ ध्रु ॥

पतिव्रते तुझी कीर्ति ॥
ऐकुनि ज्या नारी ॥
तुझें व्रतें आचरती ॥
तुझीं भुवनें पावती ॥ ५ ॥

आरती वडराजा ॥
दयावंत यमदूता ॥
सत्यवंत ही सावित्री ॥
भावें करीन मी पूजा ॥
आरती वडराजा ॥ ध्रु ॥

पतिव्रते तुझी स्तुती ॥
त्रिभुवनीं ज्या करिती ॥
स्वर्गी पुष्पवृष्टीं करुनीयां ॥
आणिलासी आपुला पती अभय देऊनियां ॥
पतिव्रते तारी त्यासी ॥ ६ ॥

आरती वडराजा ॥
दयावंत यमदूता ॥
सत्यवंत ही सावित्री ॥
भावें करीन मी पूजा ॥
आरती वडराजा ॥ ध्रु ॥


श्री गोंदवलेकर महाराजांचे विचार सौंदर्य
परमार्थांत व्यवहार येणारच , पण तो स्वार्थमूलक नसावा