श्री दत्ताची आरती

श्री दत्ताची आरती

त्रिगुणात्मक त्रवमूर्ती दत हा जाणा |

त्रिगुणीं अवतार त्रैलोक्यराणा |

नेति नेति शब्दें न ये अनुमाना |

सुरवर मुनिजन योगी समाधि न ये ध्याना || १ ||

जय देव जय देव जय श्रीगुरुदत्ता |

आरती ओवाळितां हरली भवचिंता |

जय देव जय देव || ध्रु. ||

सबाह्य अभ्यंतरीं तूं एक दत्त |

अभाग्यासी कैंची कळेल ही मात |

पराही परतली तेथें कैंचा हा हेत |

जन्ममरणाचाही पुरलासे अंत |

जय देव जय देव जय श्रीगुरुदत्ता |

आरती ओवाळितां हरली भवचिंता |

जय देव जय देव || २ ||

दत येऊनियां उभा ठाकला |

सद्भावे साष्टांगे प्रणिपात केला |

प्रसन्न होउनी आशीर्वाद दिधला |

जन्ममरणाचा फेरा चुकवीला |

जय देव जय देव जय श्रीगुरुदत्ता |

आरती ओवाळितां हरली भवचिंता |

जय देव जय देव || ३ ||

दत्त दत्त ऐसे लागले ध्यान |

हारपले मन झालें उन्मन |

मींतूपणाची झाली बोळवण |

एकाजनार्दनीं श्रीदतध्यान |

जय देव जय देव जय श्रीगुरुदत्ता |

आरती ओवाळितां हरली भवचिंता |

जय देव जय देव || ४ ||